बेळगाव : येळळूर येथील येळळूर ग्रामीण मराठी साहित्य संघाच्यावतीने रविवार दि. 5 जानेवारी 2025 रोजी परमेश्वरनगर येळळूर या ठिकाणी आयोजित 20 व्या येळळूर ग्रामीण मराठी साहित्य संमेलनाला चित्रपट सृष्टीतील ज्येष्ठ अभिनेत्री वंदना गुप्ते उपस्थित राहणार असून आपले मनोगत व्यक्त करणार आहेत.

ज्येष्ठ अभिनेत्री वंदना गुप्ते यांचे मनोगत म्हणजे साहित्य रसिकांसाठी व चाहत्यासाठी एक पर्वणीच असणार आहे. वंदना गुप्ते या एक प्रख्यात मराठी अभिनेत्री असून मराठी रंगभूमी, चित्रपट आणि दूरचित्रवाणी विश्वातील एक दिग्गज अभिनेत्री म्हणून ओळखल्या जातात. सुप्रसिद्ध शास्त्रीय गायिका माणिक वर्मा आणि श्री अमर वर्मा यांच्या त्या कन्या आहेत. भारती आचरेकर आणि राणी वर्मा या त्यांच्या भगिनी आहेत.

व्यावसायिक जीवन व नाट्य क्षेत्र : वंदना गुप्ते यांनी वाडा चिरेबंदी, चारचौघी, सुंदर मी होणार आणि हरवलेल्या पत्त्यांचा बंगला यांसारख्या अजरामर नाटकांमध्ये भूमिका साकारल्या आहेत. चित्रपट : आंधळी कोशिंबीर, टाईम प्लीज, पछाडलेला, आणि लपंडाव यांसारख्या मराठी चित्रपटांमध्ये त्यांनी उल्लेखनीय कामगिरी केली आहे. दूरचित्रवाणी मालिका : या गोजिरवाण्या घरात, सुखाच्या सरींनी हे मन बावरे (मराठी), सजन रे झूठ मत बोलो आणि करीना करीना (हिंदी) या मालिका गाजल्या आहेत. पुरस्कार आणि सन्मान: अखिल भारतीय मराठी नाट्य परिषदेचा जीवनगौरव पुरस्कार, झी नाट्य गौरव 2023 पुरस्कार सोहळ्यात जीवनगौरव पुरस्कार, 95 व्या अखिल भारतीय नाट्यसंमेलनात गोगटे फाउंडेशन जीवनगौरव पुरस्कार. वैयक्तिक जीवन : वंदना गुप्ते या आज वयाच्या 72 व्या वर्षीही सक्रिय असून ‘हरवलेल्या पत्त्यांचा बंगला’ या नाटकात काम करत आहेत. त्यांचे योगदान