कन्या स्वाती सनादी (पूर्वाश्रमीची स्वाती केदार) हिचा मृत्यू अत्यंत संशयास्पद परिस्थितीत झाल्याने जिल्ह्यात संतापाची लाट उसळली आहे. डिसेंबर 2023 मध्ये श्रीधर सनादी यांच्याशी विवाहबद्ध झालेल्या स्वातीने लग्नानंतर आशा आणि स्वप्नांसह संसाराला सुरुवात केली होती. मात्र लग्नानंतरपासूनच पती व सासरकडून मानसिक छळ, अपमान व भावनिक त्रासाचा सामना करावा लागला.

स्वातीने हा अन्याय सहन न करता माहेरी परतण्याची इच्छा व्यक्त केली होती. नातेवाईकांच्या चर्चेनंतर ती पुन्हा बेंगळुरूला गेली. मात्र तिथे मानसिक छळ अधिकच वाढला आणि अखेरीस 12 जुलै 2025 रोजी तिचा मृत्यू झाला.

सासरकडून हा मृत्यू आत्महत्या असल्याचा दावा केला जात असला तरी प्रारंभिक परिस्थिती आणि निरीक्षणांतून हत्येची शक्यता नाकारता येत नाही. त्यामुळे या प्रकरणात निष्पक्ष तपासाची जोरदार मागणी होत आहे.

आज बेलगावचे पोलिस आयुक्त आणि जिल्हाधिकारी यांच्याकडे स्वातीला न्याय मिळावा यासाठी औपचारिक निवेदन देण्यात आले. निवेदनात खालील मागण्या करण्यात आल्या —

मृत्यूच्या सर्व परिस्थितींचा तातडीने आणि निष्पक्ष तपास

शवविच्छेदन आणि फॉरेन्सिक अहवाल सार्वजनिक करणे

संबंधित आरोपींची कोठडीतील चौकशी

स्वातीच्या माहेरच्या कुटुंबाला संरक्षण

दोषींवर त्वरीत कायदेशीर कारवाई

स्वाती आज आपल्यात नसली तरी तिचा आवाज गप्प होऊ नये. तिच्या मृत्यूचा सत्य शोधण्यासाठी आणि न्याय मिळवण्यासाठी समाजाने पुढे येण्याची गरज आहे.