बेळगाव : येथील सुरण्णावर हॉस्पिटल, वेळगाव यांनी वैद्यकीय क्षेत्रात महत्त्वपूर्ण यश संपादन करत बेळगावमध्ये प्रथमच रोबोटिक जॉइंट रिप्लेसमेंट शस्त्रक्रिया यशस्वीपणे सुरू केली आहे. या अत्याधुनिक तंत्रज्ञानामुळे शस्त्रक्रिया अधिक अचूकतेने करता येत असून रुग्णांच्या पुनर्वसनाचा कालावधीही कमी होण्यास मदत होत आहे.
या उपक्रमामुळे सुरण्णावर हॉस्पिटल उत्तर कर्नाटकातील रोबोटिक सहाय्यित अस्थिरोग शस्त्रक्रिया उपलब्ध करून देणाऱ्या अग्रगण्य केंद्रांपैकी एक ठरले आहे. त्यामुळे आता प्रगत जॉइंट रिप्लेसमेंट उपचारासाठी रुग्णांना मोठ्या शहरांकडे धाव घ्यावी लागणार नाही.
याशिवाय हॉस्पिटलने उत्तर कर्नाटकात प्रथमच आंतरराष्ट्रीय प्रशिक्षण फेलोशिप कार्यक्रम सुरू केला आहे. या कार्यक्रमांतर्गत रोमानिया (युरोप) येथील डॉ. ड्रॅगोस मिरोसू यांनी बेळगावमध्ये प्रशिक्षणास सुरुवात केली आहे. आतापर्यंत हॉस्पिटलमध्ये सुमारे १० दुर्मिळ आणि गुंतागुंतीच्या अस्थिरोग शस्त्रक्रिया यशस्वीपणे पार पडल्या असून अनेक शस्त्रक्रिया उत्तर कर्नाटकात प्रथमच करण्यात आल्या आहेत.