एपीएमसी पोलीस ठाण्याच्या तत्पर आणि संवेदनशील कार्यवाहीमुळे बेपत्ता झालेली मुलगी अवघ्या चार दिवसांत सुरक्षितपणे सापडल्याने नागरिकांनी पोलिसांचे अभिनंदन केले. माजी महापौर विजय मोरे यांच्या नेतृत्वाखाली विश्वेश्वरनगर परिसरातील नागरिक व हितचिंतकांनी CPI यू.एस. आवटी व एपीएमसी पोलीस ठाण्याच्या कर्मचाऱ्यांचा सत्कार केला.
काही दिवसांपूर्वी परिसरातील एक मुलगी बेपत्ता झाल्यानंतर कुटुंबीयांनी एपीएमसी पोलीस ठाण्यात तक्रार दाखल केली होती. त्यानंतर CPI यू.एस. आवटी व त्यांच्या पथकाने तातडीने शोधमोहीम राबवत प्रभावी तपास केला. पोलिसांच्या मेहनतीमुळे मुलगी सुरक्षितपणे कुटुंबीयांच्या स्वाधीन करण्यात आली.
या यशस्वी कामगिरीबद्दल आयोजित सत्कार समारंभात माजी महापौर विजय मोरे यांनी पोलिसांच्या तत्परतेचे व कर्तव्यदक्षतेचे कौतुक केले. यावेळी दयानंद कदम, रविंद्र कलगडी, अ‍ॅलन विजय मोरे, गंगाधर पाटील, अवधूत टी., ओम कांबळे, मुलीचे कुटुंबीय व स्थानिक नागरिक उपस्थित होते.