• आचार्य अत्रे साहित्य पुरस्कार जाहीर; यंदाचा मान ज्येष्ठ साहित्यिक लक्ष्मीकांत देशमुख यांना

बेळगाव : सार्वजनिक वाचनालय, बेळगाव तर्फे दरवर्षी दिला जाणारा प्रतिष्ठेचा ‘आचार्य अत्रे साहित्य पुरस्कार’ यंदा ज्येष्ठ साहित्यिक लक्ष्मीकांत देशमुख (पुणे) यांना जाहीर झाला आहे. हा पुरस्कार वितरण सोहळा रविवार, 7 सप्टेंबर 2025 रोजी सकाळी 11:30 वा. गणपत गल्ली, बेळगाव येथील सार्वजनिक वाचनालयाच्या सभागृहात होणार आहे.

या पुरस्कारात रु. 25 हजार रोख रक्कम, मानचिन्ह व प्रशस्तीपत्र असे स्वरूप असून देशमुख यांना सन्मानपूर्वक प्रदान केला जाणार आहे.

आचार्य अत्रे साहित्य पुरस्काराने यापूर्वी ‘पानिपत’कार विश्वास पाटील, अरुण साधू, डॉ. जयसिंगराव पवार, उत्तम कांबळे, कृष्णा मेणसे, सदानंद मोरे, मधुमंगेश कर्णिक, सतीश काळसेकर, कुमार केतकर, विष्णू सूर्या वाघ, डॉ. आ. ह. साळुंखे, रावसाहेब कसबे, डॉ. राजन गवस, मनस्विनी लता रवींद्र, प्रवीण बांदेकर, ॲड. रमाकांत खलप व कृष्णांत खोत यांसारख्या नामांकित साहित्यिकांचा गौरव केला आहे.