जीएसएस पीयू कॉलेजचा जेईईत झळाळता यशस्वी ठसा; कुमार आर. शंकरराज यांना 99 टक्के पर्सेंटाइबेळगाव: जीएसएस पीयू कॉलेजच्या विद्यार्थ्यांनी यंदाच्या जेईई (JEE) परीक्षेत उत्कृष्ट कामगिरी करत संस्थेचा मान उंचावला आहे. दरवर्षीप्रमाणे यावर्षीही शेकडो विद्यार्थ्यांनी परीक्षेत सहभाग घेत घवघवीत यश संपादन केले.

विद्यार्थ्यांच्या यशामागे कॉलेजच्या अध्यापक व प्राध्यापकांचे सातत्यपूर्ण मार्गदर्शन आणि शैक्षणिक सहाय्य महत्त्वाचे ठरले आहे. अभ्यासाच्या दृष्टीने सर्वतोपरी मदत उपलब्ध करून दिल्याने होतकरू विद्यार्थ्यांना यशाची भरारी घेता आली. प्राचार्य आणि प्राध्यापकांच्या मार्गदर्शनाखाली विद्यार्थी यशाचे नवे शिखर गाठत आहेत.
विशेष म्हणजे, कुमार आर. शंकरराज यांनी जेईई मेन्स परीक्षेत 99 पर्सेंटाइल गुण मिळवून कॉलेज, एसकेई संस्था तसेच जिल्ह्याचे नाव उज्ज्वल केले. त्यांच्या या यशाबद्दल प्राचार्य एस. एन. देसाई, संस्थेचे चेअरमन डॉ. श्री किरण ठाकुर, व्हाइस चेअरमन श्री एस. वाय. प्रभू आणि प्राध्यापक वर्गाने अभिनंदन केले आहे.
गेल्या अनेक वर्षांपासून जीएसएस पीयू कॉलेज आणि एसकेई संस्था विद्यार्थ्यांना निस्वार्थ भावनेने सहकार्य करत असून भविष्यातही ही यशाची परंपरा कायम राहील, असा विश्वास व्यक्त करण्यात आला आहे.