जनसेवाच देवसेवा; लोकांच्या सेवेतच आयुष्य घालवले – लक्ष्मी हेब्बाळकर
बेळगाव : “बसवण्णांच्या कायकवे कैलास या विचारावर विश्वास ठेवून जनसेवेलाच देवसेवा मानत मी गेली २५ वर्षे लोकांच्या सेवेत कार्य करत आहे,” असे प्रतिपादन महिला व बालकल्याण मंत्री लक्ष्मी हेब्बाळकर यांनी केले.
मुतगा येथे आयोजित श्री ग्रंथराज सांप्रदायिक पारायण सोहळ्यात त्या बोलत होत्या. त्या म्हणाल्या की, शेतकरी कुटुंबातून येऊन सरकारी शाळेत शिक्षण घेतले आणि समाजसेवेच्या बळावर आज या स्थानापर्यंत पोहोचले.
भारतीय संस्कृती महान असून पालकांनी मुलांना इतिहास आणि महान व्यक्तींची माहिती द्यावी, असेही त्यांनी सांगितले. तसेच गेल्या सात वर्षांत मतदारसंघातील १५४ मंदिरांचे जीर्णोद्धार केल्याचे त्यांनी नमूद केले.
या कार्यक्रमात साध्वी रुक्मिणीताई हावरे यांचे पारायण झाले. यावेळी चैतन चौगुले, सचिन पाटील, शिवाजी पाटील यांसह ग्रामस्थ मोठ्या संख्येने उपस्थित होते.