शाहापूरात शिवकालीन युद्धकलेचा थरार; शिवसंस्कृतीचा जाज्वल्य वारसा अनुभवण्याची संधी
न्यूज:
बेळगावातील शाहापूर परिसरात शिवसंस्कृतीचा गौरवशाली वारसा जिवंत ठेवण्याच्या उद्देशाने शिवकालीन युद्धकलेचा भव्य आणि थरारक कार्यक्रम आयोजित करण्यात आला आहे. धर्मवीर श्री संभाजी युवक मंडळ व श्री शिवनेरी युवक मंडळ यांच्या संयुक्त विद्यमाने रविवार, दिनांक १९ एप्रिल २०२६ रोजी सायंकाळी ६ वाजता गाडामार्ग, बिचू गल्लीत हा कार्यक्रम रंगणार आहे.
या कार्यक्रमात पारंपरिक शस्त्रकला, मर्दानी खेळ आणि शिवकालीन पराक्रमाचे जिवंत सादरीकरण करण्यात येणार असून, उपस्थितांना छत्रपती शिवाजी महाराजांच्या शौर्यपूर्ण इतिहासाचा प्रत्यक्ष अनुभव घेता येणार आहे. शिवजयंतीच्या निमित्ताने सायंकाळी ८:३० वाजता महाप्रसादाचेही आयोजन करण्यात आले आहे.
आयोजकांनी नागरिकांना कुटुंबासह मोठ्या संख्येने उपस्थित राहून या ऐतिहासिक व प्रेरणादायी सोहळ्याचा लाभ घ्यावा, असे आवाहन केले आहे.