बेळगाव : शिवाजीनगर परिसरातील युवकांना आरोग्यदायी जीवनशैलीकडे प्रोत्साहन देण्यासाठी आमदार आसिफ (राजू)शेठ यांनी आपल्या आमदार निधीतून उभारण्यात आलेल्या नव्या अत्याधुनिक जिमचे उद्घाटन केले. यावेळी युवा नेते अमान सैत हेही प्रमुख उपस्थित होते.
या जिममुळे परिसरातील युवक व नागरिकांना आधुनिक फिटनेस सुविधा उपलब्ध होणार असून नियमित व्यायाम, आरोग्य जनजागृती आणि सकारात्मक उपक्रमांना चालना मिळणार आहे. युवकांनी शारीरिकदृष्ट्या सक्षम व्हावे तसेच आरोग्यपूर्ण जीवनशैली अंगीकारावी, या उद्देशाने हा उपक्रम राबविण्यात आल्याचे आमदार शेठ यांनी सांगितले.
उद्घाटन प्रसंगी पंच मंडळ, युवक मंडळाचे पदाधिकारी, महिला काँग्रेस नेत्या मिनल चौगुले, मशिनरी आयोजक शाहिद, स्थानिक नेते तसेच नागरिक मोठ्या संख्येने उपस्थित होते.
परिसरातील नागरिकांनी या उपक्रमाचे स्वागत करत, शिवाजीनगरमध्ये आधुनिक जिमची सुविधा उपलब्ध झाल्यामुळे युवकांना मोठा फायदा होईल तसेच फिटनेस आणि सामुदायिक सहभाग वाढीस लागेल, अशी प्रतिक्रिया व्यक्त केली.