बेळगाव : सार्वजनिक वाचनालयातर्फे गुरुवार, ११ जून रोजी थोर साहित्यिक, समाजसेवक व बालकांचे लाडके लेखक साने गुरुजी यांच्या ७६ व्या पुण्यतिथीनिमित्त स्मृतिदिन कार्यक्रमाचे आयोजन करण्यात आले. यावेळी वाचनालयाचे अध्यक्ष नेताजी जाधव यांच्या हस्ते साने गुरुजींच्या प्रतिमेला पुष्पहार अर्पण करून अभिवादन करण्यात आले.
कार्यक्रमात वाचनालयाचे ज्येष्ठ सदस्य अभय याळगी तसेच प्रा. विनोद गायकवाड यांनी साने गुरुजींच्या जीवनकार्याचा आणि त्यांच्या साहित्यिक व सामाजिक योगदानाचा आढावा घेत उपस्थितांना मार्गदर्शन केले.
याप्रसंगी वाचनालयाचे उपाध्यक्ष रघुनाथ बांडगी, सहकार्यवाह प्रसन्न हेरेकर, सदस्य अॅड. आय. जी. मुचंडी, सौ. सुनीता मोहिते, विशाल राऊत आणि अर्जुन गावडे उपस्थित होते. कार्यक्रमाच्या शेवटी कार्यवाह सौ. लता पाटील यांनी उपस्थितांचे आभार मानले.
फोटो : साने गुरुजींच्या प्रतिमेस पुष्पहार अर्पण करताना वाचनालयाचे अध्यक्ष नेताजी जाधव. समवेत पदाधिकारी व सदस्य.