Spread the love

गणपती मंदिर ते हिंडलगा रोडपर्यंत रस्ता विकास कामाला सुरुवात; आमदार आसिफ शेठ यांचा पुढाकार
बेळगाव : गणपती मंदिर ते हिंडलगा रोड या सुमारे 800 मीटर लांबीच्या महत्त्वाच्या रस्ता विकास प्रकल्पाला आमदार आसिफ (राजू) सैत यांच्या हस्ते सुरुवात करण्यात आली. या प्रकल्पांतर्गत डांबरीकरण, मध्यभागी डिव्हायडर उभारणी, तसेच उजव्या बाजूस गटार व रिटेनिंग वॉल बांधकाम करण्यात येणार आहे.
या कामामुळे पाणी निचरा सुधारणा, रस्ते सुरक्षा आणि एकूण पायाभूत सुविधा मजबूत होणार असून, हा रस्ता दोन लेनचा करण्यात येणार आहे. त्यामुळे वाहतुकीची कोंडी कमी होऊन नागरिकांना अधिक सुलभ प्रवासाचा लाभ मिळणार आहे.
गेल्या काही महिन्यांपासून या रस्त्याच्या दयनीय अवस्थेमुळे नागरिकांत नाराजी होती. याची दखल घेत आमदार शेठ यांनी स्वतः लक्ष घालून कामाची नियमित पाहणी केली जाईल आणि दर्जा कायम ठेवला जाईल, असे आश्वासन दिले.
या कामाच्या प्रारंभामुळे स्थानिक नागरिक व परिसरातील नेत्यांनी समाधान व्यक्त करत आमदारांच्या पुढाकाराचे कौतुक केले आहे.