1. ‘दसरा कर्नाटक केसरी 2025′ कामेश पाटीलसह 10 पैलवान आणि श्रुती पाटीलचा सकल मराठा समाजाच्या वतीने गौरव!
2. बेळगावच्या खेळाडूंचा सन्मान समारंभ श्री जत्तीमठ येथे रविवारी
3. कुस्ती आणि स्पर्धा परीक्षेत उज्वल कामगिरी करणाऱ्यांचा मराठा समाजाकडून सत्कार

1. बेळगाव प्रतिनिधी :
2. बेळगाव | कर्नाटकातील मैसूर दसरा कुस्ती स्पर्धेत ‘दसरा कर्नाटक कंटीराव केसरी 2025’ हा मानाचा किताब पटकावत बेळगावचे नाव राज्यभर गाजवणाऱ्या पैलवान कामेश पाटील (कंग्राळी खुर्द) यांच्यासह उल्लेखनीय कामगिरी करणाऱ्या दहा युवा कुस्तीपटूंचा आणि कर्नाटक राज्य पोलीस दलातील उपनिरीक्षक पदाच्या स्पर्धेत यश मिळवलेल्या श्रुती पाटील यांचा सत्कार सकल मराठा समाज, बेळगाव यांच्या वतीने करण्यात येणार आहे.
3. हा सन्मान समारंभ रविवार, ५ ऑक्टोबर रोजी सकाळी ११ वाजता श्री जत्तीमठ, बेळगाव येथे पार पडणार आहे. या प्रसंगी नुकतेच काडा अध्यक्षपदी निवड झालेल्या युवराज कदम यांचाही विशेष सत्कार करण्यात येईल.
4. या कार्यक्रमाचे आयोजन मराठा समाजाच्या पदाधिकाऱ्यांनी केले असून, किरण जाधव, प्रकाश मरगाळे, गुणवंत पाटील आणि नागेश देसाई यांनी सर्व समाजबांधवांना उपस्थित राहून खेळाडूंना प्रोत्साहन देण्याचे आवाहन केले आहे.

1. सन्मानित होणारे कुस्तीपटू :

• पैलवान कामेश पाटील (कंग्राळी खुर्द)
• पैलवान प्रेम जाधव (कंग्राळी खुर्द)
• पैलवान महेश बिर्जे (तीर्थ कुंडये)
• पैलवान विनायक पाटील (येळळूर)
• पैलवान समर्थ डुकरे (किणये)
• पैलवान स्वाती पाटील (कडोली)

पैलवान प्रांजल तुळजाई (अवचारट्टी)

• पैलवान भक्ती पाटील (कंग्राळी)
• पैलवान सानिका हिरोजी कलखांब (आंबेवाडी)
• पैलवान श्रावणी तरळे (आंबेवाडी)
• अनुश्री चौगुले (अलतगा)